知唔知人點解會有鍾意嘅偶像？
會有自己鐘意嘅歌手、藝人、演員、KOL？
係因為我地日常生活之中好容易接觸到佢地作品
接觸完，鐘意嘅，開始會留意佢個人
如果睇落正正常常就會繼續支持
會睇佢地嘅電影，會買佢地嘅歌，會睇佢地嘅書
畢竟佢地就會提供娛樂
我地就提供金錢去支持
一買一賣，互惠互利，互相支持，缺一不可
但去到一啲社會大是大非時侯
作為小fans嘅我，自然好期待我嘅「偶像」係點睇件事
好想知佢嘅想法，好想知佢嘅感受，好想知道偶像係咪同路人
Ok，大家都知呢行好避忌講政治，我地無得逼人去表態立場
但呢樣嘢唔係適用所有人
因為有班人當初係持住「政治立場」而成名
呢班人係被期望同必須比起其他人更加應該表明立場
如果唔係，咁多年我支持你為咗咩？
你唔係因為同我同理念，我地先支持你咩？
點解去到呢個時侯，你可以唔出聲？
呢班人就係偽人
Ok，去返大家都知呢行好避忌講政治，我地無得逼人去表態立場
我嘅偶像唔出聲，唯有我地去估佢係咪同路人
影相伸五隻手指，就估佢係黃
著件藍衫就估佢係藍
但估黎估去，都係得個估字，永遠唔會知道真相
但至少，我可以選擇放棄佢，亦可以選擇繼續支持佢
我唔會對佢點，唔會狙擊唔會罵佢地
或者會睇少啲，甚至唔再支持佢
畢竟我對我嘅偶像有點失望咁解
周柏豪高調話自己藍，我唔會驚訝
始終我唔係佢歌迷
我估大家咁緊張，係因為本身對佢好高期望？然而咁嘅反差令自己接受唔到？
我反而開心，開心大家又可以認清一個人嘔心之人
我亦都相信
香港好多明星、歌手、藝人、kol、Youtuber
都係周柏豪呢類嘅人
由社會運動爆發開始，好多後生仔情緒崩潰
我自己內外一直投身幫後生仔點樣脫離 點樣康復 點樣支援佢地
我自己都係一個網絡嘅人
知道要班明星，Kol幫手係要錢
Ok 我比錢，但資源有限，而且成件事都唔係講緊商業
係講緊點幫緊日日陷入水深火熱嘅後生仔
都係希望大家盡點社會責任，利用自己少少影響力幫幫手
我記得我當年係想班人幫手錄句野，做個訪問，支持下後生仔
為咗唔令人難做
我已經專登搵一啲平時口說 “點樣支持年輕人“點樣義不容辭“
“有咩需要即管搵佢地“或 吹到自己平時幾黃幾愛後生仔嘅所謂明星 KOL
個個回應唔係開個天價叫我走，就話唔得閒
我已經話可以24小時就你，上埋你地度都可以，總之任何要求都會配合
都一一拒絕
然後轉個頭見佢係fb喺人地度留言“ 我最近好得閒！有咩幫手出聲！“
當時我就知道香港嘅所謂明星歌手藝人KOL係幾咁黑暗 幾撚假
基於咩唔好鬥黃 我一直忍住唔屌班人
直到今日我都廢事開呢班仆街名
但呢班一直打住 支持年輕人 旗號嘅人真係好嘔心
所以，學我老友錢詩文話，我地繼續支持發過聲嘅藝人同創作人，出錢出力支持佢地，香港根本唔需要娛樂圈。
「我們對雞排妹一句說話如此感觸，一來是因為在恐怖政治氣氛下，得到心靈上的支持和安慰；二來是雞排妹利用自己的名氣和空間，發揮了充分的力量支持香港。
不用跟香港偽人比較，牠們沒有相提並論的資格。我們只需要記住有為香港努力過發聲的藝人和創作人，出錢出力支持他們的作品，沒有人民幣，也不至於發聲就會餓死。
更何況，老實講，香港早已經不需要「娛樂圈」啦。」
屌你老味，講到嬲嬲地
他日能夠光復到香港
我一定公開張list出嚟數你班撚樣出嚟屌
Search